Serchhip-ah dan lova lakluh leh zawrhchhuah Sikret tam tham tak man a ni

Nimin khan Serchhip-ah khawchhak lam a\anga lakluh nia hriat Sikret, Dan lova zawrh leh Sikhaar tam tham tak man a ni.
Serchhip-a Legal Metrology Enforcement, Anti-Tobacco Squad leh Food and Drug Administration te \angkawp chuan nimin, May 17, 2017 khan Serchhip Bazar-ah Joint Operation neiin Wholesale dawr leh dawr \henkhat an enfiahna a\angin Legal Metrology Act 2009 (Pakaged Commodities Rules), Cigarettes and Other Tobacco Products Act 2003 (COTPA) leh Food Safety and Standard Act 2006 hmangin Dan phalloh a zawrh ramdang siam Sikret (Contraband) leh Gutkha Products \hahnem tak an man a. Heng an thil man te hi Sikret pocket 10 \heuh awmna Farstar Bawm 37, ‘V’ Sikret Bawm 86 leh Hummer Bawm 71 bakah pocket 22 zel awmna Sikhaar Bawm 35 bakah a mala hralh Winbody 8, Farstar 4 leh ‘V’ Sikret 18 te a ni a, a vaia Sikret an man hi pack 1697 niin Rs. 59,010/- hu nia chhut a ni a, Sikhaar hi 7,700/- hu bawk niin a vaia an man hi Rs. 66,710/- hu vel nia chhut a ni.
Serchhip-a Legal Metrology Inspector, Lalsangzuala chuan Contraband Sikret chungchang bikah COTPA in a phut angin Pictorial Health Warning intar pawh nise Legal Metrology Dan hmanga man theih tho a nih thu a sawi a, hei hi heng Sikret-ah hian declaration pawiamwh- MRP, Manufacturer, Importer leh Exporter leh address tarlan mumal loh vang a nih thu a sawi bawk. Nimin a heng an thil man chungchangah hian Legal Metrology Department hian thubuai siam nghalin heng thil zuartute hi an Office-ah an ko nia thudawn a ni a, an thil man tihral dan tur pawh hi rem-chang ah Legal Metrology lam hian an la ngaihtuah dawn a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai