SAA Zirtirtu intelkhawmna tur pawl thar din a ni

Mizoram SSA Teacher Association (MSSTA) Sub-Hqrs. Serchhip chuan nimin khan Hmar Veng YMA Hall-ah General Assembly neiin hruaitu thlanna an nei.
Mizoram SSA Teacher Association (MSSTA) Sub-Hqrs. Serchhip General Assembly hi an President, Lalrinawma Kawlni, Sialhau M/S chuan kaihruaiin Member kalkhawm te lawmna thu a sawi a, V. Lal-hmangaihzuala, Bungtlang M/S chuan hunserh hmangin an pawl Secretary, John Lalduhkima leh leh Fin. Secretary, V. Lalhmangaihzuala hnen a\angin report ngaihthlak a ni a, hemi hnu hian kum 2017-2018 chhunga an pawl hruaitu tur thlanna neih zui nghal niin President-ah V. Lalhmangaihzuala Bungtlang M/S; Vice President-ah Lalrinawma Kawlni, Sialhau M/S; Secretary-ah John Lalduhkima, Kei\um M/S; Asst. Secretary-ah PC. Khawldinliana, Chanmari M/S; Treasurer- ah Lalrinzuali, Attached BRC Ser-chhip leh Finance Secretary-ah Ngurchhuana, Thentlang M/S te thlantlin an ni.
Hemi hnu hian Member te hian rorel Inkhawm nei zui nghalin pawl inkaihhruaina tura thil \ul hrang hrang an rel a. Nimin a General Assembly an neih hi MSSTA Sub-Hqrs. Serchhip anga hun an hmanna hmasa ber a ni a, hemi hmalam hian SSA-a thawkte intelkhawmna pawl ah telin heti hian SSA hnuaia Zirtirtu pawl bik an din ta a ni. Serchhip District chhunga SSA Zirtirtute telin member 60 chuang hret an awm a, nimin a General Assembly an neih ah hian member 48 an tel a ni.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn