SA kum 100 tlin lawmna nei

Salvation Army kum 100 tlin lawmna kal zelah Inrinni khan Salvation Army Serchhip Corps chuan Serchhip AOC Veng-a Commanding Officer Quarters leh YP Hall sak thar te chu an hawng.
Salvation Army Indian Eastern Territory kum 100 tlin lawmna kal zelah hian Inrinni khan Corps leh Society-ah hun hman niin Salvation Army Serchhhip Corps chuan Centenary lawmna hi nileng in ruai nen an nei a, he hun hi Lt. Col. Lalbulliana, Secretary for Business Administraion (Serchhip Tuikhuah Veng-a VL. Khama fapa) leh a nupui, Lt. Col. Lalnun-hlui, Statistician, Territorial Hqrs. te chuan an rawn hmanpui a, heng mite hian Centenary Cake chu zaiin hemi hnu hian Serchhip Commanding Officer Quarters sak thar leh Naupang Sunday School Hall, YP Hall sak te chu Ribbon chep chata hawngin Pathian hnena hlanna neih zui a ni bawk.
Salvation Army kum 100 tlin lawmna hi nileng-a neih zui niin Capt. Timothy Lalhlimpuia, Bialtu CO chuan a kaihruai a, Report ngaihthlak a nih bakah April 26-a Salvation Army Eastern Territory kum 100 tlin lawmna Aizawl-a neih \uma Report ngaihthlak a ni bawk a, Lt. Col. Lalbulliana hneh a\angin Pathian thuchah ngaihthlak a ni bawk. Centenary lawmna hi nizan thleng khan inkhawm neia chhunzawm niin nimin tlai khan Serchhip Bazar-ah Mual inkhawm neih a ni bawk. Salvation Army Serchhip Corps-ah hian chhungkua 90 vel awmin Kohhran Member 300 vel an awm mek a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai