“Citizenship (Amendment) Bill 2016 kan hnam tan a him lo” - Lalduhoma

ZNP President, Lalduhoma chuan Citizenship (Amendment) Bill 2016 chu sakhaw behchhana khua leh tui nih theihna tur Bill a nih avangin kan hnam tan a him lo thei dawn a ni, a ti.
He thu hi ZNP Chhung Inkhawm, nimin a Aizawl-a an Party Office-a neih ah sawiin Lalduhoma chuan “He Bill hi July 19, 2016-ah Parliament-ah pharh a ni a. Tunah hian Winter Session-a sawiho turin Joint Parliamentary Committee chuan a buaipui mek a ni,” tiin, “He Bill hi pass a nih chuan heng ram pathum - Afghanistan, Bangladesh leh Pakistan a\anga Hindu, Sikh, Budhist, Jain, Parsi leh Christian sakhaw betute chu India-a kum 6 an awm hnuah khua leh tui nihna pek theih an ni tawh dawn a. Sakhaw behchhana Citizen nih theihna tur Bill a ni. Muslim-te an telh ve loh avangin Muslim-ho tan chuan pawm rual a ni lova. Burma ram a\anga lo lutte pawh a huam bawk hek lo a ni” a ti a. ZNP President chuan he Bill hi India ram, Hindu rama siam tumna ni bera a lan thu sawiin, “He Bill hian Assam Accord 1985 a kalh avangin AASU leh AGP te pawhin na takin an dodal mek a. Mizoram-ah pawh Chakma te khua leh tui nihna pekna tur a nih avangin State dangte nena hma la hova lungrual taka dodal tlang turin political party, NGO leh Kohhrante ka sawm a ni,” a ti bawk.
Zirlaiten a hun taka Scholarship an dawng thei lo fo mai leh, tunah pawh a kim lova an dawn mek thu sawiin ZNP President chuan, “Nikum lama MSU ten an duhlohna lantira kawng hial an lo zawh tawh hnu pawha Indusind Bank bawk an hmang leh ta tho hi demawm kan ti a, he an induhsakna thianghlim fahranlo hi titawpin, Mizote ta ngei, Apex Bank hi dawr ve tawh rawh se,” a ti bawk.
Lalduhoma hian Hero I-League khelh zawh taka Aizawl FC an champion chu a lawmpui thu pawh he hunah hian sawiin, “Football avanga Mizoram chhung mai ni lo, khawvel hmun hrang hranga Zofate inpumkhatna chu chhawmnung zel ang u,” a ti a. I-Leaque-a tel pha Mizo tlangval sawmnga vel zet kan neihte chungah te, Robert Romawia Royte leh a thawhpuite leh Sports Minister, Zodintluanga leh Sorkar chungah lawmthu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni