Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

SEC in vote neih zat sawifiahna siam

Mizoram State Election Commission chuan Village Council leh Local Council inthlanna neih tura vote neih dan tur sawifiahna thuchhuah a siam.
Hemi chungchanga State Election Commission thuchhuah chuan Village Council leh Local Council inthlanah General leh Reserve seat hi Ballot paper rawng inang lo a siam a nih thu leh General Seat atan Rawngvar leh Reserve Seat atan Rawng Sendang hman tur a nih thu tarlangin, Village Council/Local Council-a seat zat zel mipakhatin vote an neih tur thu a tarlang a. Village Council/Local Council pakhat-ah Seat 7 (pasarih) awm naah chuan General Seat ah Vote 5 (panga) Reserve Seat-ah vote 2 (pahnih) thlak tur a nih thu tarlangin, “Hmeichhia kan vote duh lo ve,” tia General seat-ah vote 7 (pasarih) thlak a nih chuan vote thi anih tur thu leh chutiang bawkin Reserve Seat 2 (pahnih) chauh awmna ah ‘Hmei-chhia hlir kan vote duh’ tia hmun 2 (hnih) aia tam a chhut a nih chuan vote thi a nih tur thu a tarlang bawk. Hemi ang hian Serchhip-ah chuan VC tinah seat 5 awmin General ah mi 4 leh Reserved-ah mi 1 kan vote thei dawn tihna a ni.

Comments

Popular News (Last 30 Days)