District Election Officer in thuthar thehdarhtute Electoral Roll Special Drive kalpui tur a sawipui


Nimin khan Serchhip District Election Officer, Sangchhin Chinzah chuan a Pisa-ah thuthar thehdarhtute kawmin Election Commission of India in a ruahman anga nimin a\anga kalpui, Electoral Roll Special Drive, 2017 chungchanga hmalak dan tur hrang hrang a sawipui.

Nimin a thuthar thehdarhtute a kawmna hunah hian District Election Office ni bawk, Sangchhin Chinzah chuan Election Commission of India in ruahmanna a siam anga he Special Drive neih tur atan hian June 1 a\anga June 30, 2017 thleng chu inbuatsaihna (Preparatory Work) atana hman a nih tur thu leh hemi hun chhung hian Election Officer, ERO leh AERO training te, BLO training te, Political Party hote nena thawhhona turte neih fel vek a ni ang a. He Special Drive hi July 1 a\anga July 31, 2017 inkarah neih tur a nih thu a sawi bawk. Bawrhsap chuan he Special Drive hian khua leh tui kum 18 leh 21 inkar, Electoral Roll a hming la chuang lo zawnchhuah leh dahluh chu a tum bul ber a nih thu a sawi a. Chutihrualin El;ectoral Roll-a hming awmsa siam\hat, insawn, Polling Station awmna sawn te leh inpaih ngai paih zawng zawng te pawh thawh nghal vek tur a ni, a ti a. District chhunga Polling Station tinah July 8 a\anga ni 22 chhungin Special Camp buatsaih a nih dawn thu pawh sawiin, BLO zawng zawng ten an huam chhungah In tin lut chhuaka hmalakna an neih dawn thu a sawi a. He Special Drive a\anga thun thar leh siam \hat ngai lut zawng zawngte chu August, 2017 thla chhunga chinfel hman vek tum a nih thu a sawi bawk.
Electoral Roll a hming thun thar, tih danglam ngai leh siam\hat ang chi reng reng hi internet online hmanga tih vek theih a ni bawk a, a ngaihven duhte tan nvsp.in ah luh theih a ni. Zawhna leh hriatthiam loh neite tan man chawi lova phone hmanga zawhfiah theihna Number 03838-226012 a awm a, State Level ah pawh 0389-1950 ah biak theih reng a ni bawk.
He hunah hian Sangchhin Chinzah chuan, India ram chu mipui rorelna ram a nih ang ngeiin mipuiten ram roreltu tur an thlang \hin tur a ni tih sawiin, chumi atana thil pawimawh tak chu Electoral Roll a hming dahluh hi a nih thu a sawi a. Kan hnathawhna avangte, zirna avangte leh thil dang dang vangin Roll-ah hian la chuang lo kan awm thei a, khua leh tui dik takte kokim taka kan chuan ngei theih nan leh mipui rorelna ram humhima a awm zel theih nan theihtawp chhuaha thawktute puibawm turin Chanchinbu mite chu a sawm a ni. Nimin a thuthar thehdarh-tute a kawmna ah hian District Election Officer hi Abraham B. Khithie, Election Officer leh K. Saitluanga, IPRO ten an \awiawm a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai