District Election Officer in Special Drive neih tur Political Party hrang hrangte a sawipui

Serchhip District Election Officer, Sangchhin Chinzah chuan nimin khan Serchhip-a Political Party hrang hrangte a Pisa-ah kawmin July ni 1 a\anga thawh \an tur, Electoral Roll Special Drive chungchang a sawipui.
He hunah hian District Election Officer, Sangchhin Chinzah chuan, sorkar chuan khua leh tui dik tak kum 18 tling tawhte chu Electoral Roll-ah an chuang lovang tih a hlauh em avangin, Electoral Roll siam\hat hna a kal reng laiin Special Drive a buatsaih tih a sawi a. “Mipui thlan sorkar dinna kawngah mipuite hi kan pawimawh bera, Electoral Roll-ah kim taka kan inziahluha, kan duhte ngei ram hruaitu atana thlan hi kan tih makmawh a ni,” a ti a. Political Party te chu Polling Booth tina Agent inruat tur leh chung Agent te chuan Booth Level Officer te a \ul ang zela lo puibawm turin a ngen a ni.
Thla thar ni 1 a\anga neih tur Electoral Roll Special Drive hi June ni 1 a\ang khan Press Conference neia inbuatsaihna bul \an a ni tawh a, kumin January ni 1-a kum 18 tling tawh, Electoral Roll-a la chuang si lote zawnchhuah beihpui thlakna a ni ber a, siam\hat, siamrem, hming paih ang chi te pawh tih reng a ni bawk ang. He hna hi July ni 1 a\anga thawk \anin July ni 31 thleng a awh ang. Hemi chhung hian BLO ten an biala In tinte an fangchhuak vek dawn a, hei bakah hian Polling Station tinah July 8-22 chhungin Special Camp buatsaih a ni dawn bawk a. July thla chhunga dilna lut ang ang te chu August thla chhunga chin fel vek hman tur a ni bawk ang.
Nimin a Party te nena Drive chungchang sawihonaah hian Election Officer, Abraham B. Khithei chuan District Election Officer hi a \awiawm a, Party lam aiawhte pawh an kal \ha hle a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai