Chief Minister Lal Thanhawla’n Serchhip-ah cheng nuai 60 senga sak DRO Office building thar a hawng

Chief Minister, Lal Thanhawla chuan nimin khan Serchhip rawn thlengin nimin chawhnu khan Serchhip P&E Veng a Economic & Statistic Department, District Research Officer (DRO) Office building thar chu a hawng a. He hun hi Planning Minister, Lalsawta pawhin Khual Zahawm niin a hmanpui a ni.

Nimin a Serchhip District Research Officer (DRO) Office building thar hawnna hunah hian Chief Minister, Lal Thanhawla chuan Serchip-a DRO Office building thar \ha tak hawn a ni chu lawmawm a tih thu sawiin, Serchhip Bial chu ram laili-a awm a nih avangin sorkar Department hrang hranga hotute pawhin an duhsak thu a sawi a, heng duhsakna ah hian lawm nachang hriat a \ul thu sawiin, lawm nachang hria chuan malsawmna an dawn \hin thu leh malsawmna tam zawk dawng tura lawm nachang hriat a \ul thu a sawi a. Hmasawnna (Development) a awm theihna tur chuan ruahmanna (Planning) \ha tak neih a pawimawh thu sawiin, Plan \ha tak nei tur pawhin Statistic dik leh rintlak a pawimawh thu leh hei vang hian sorkar pawhin Planning chu a ngaih pawimawh thu a sawi a, chutianga Statistic dik leh rintlak a awm theihna tura hmalakna tur building \ha tak hawn a ni ta chu lawmawm a tih thu a sawi a, Serchhip Bial chhunga sorkar hmalakna hrang hrangte pawh sawiin, heng hmasawnna te hi neitu rilru pu-a lo dawnsawn a \ul thu a sawi bawk.
Chief Minister, Lal Thanhawla chuan sorkar hnathawk te chu mipuite tana dawr nuam taka hna thawk tura chahin, Pisa a thawk zingah mipuite tana dawr nuamlo an la awm fo thu pawh a sawi a, sorkar \ha leh dik nei tur chuan kut tlinglo a sum la te chungah Dan anga hmalak a \ul thu leh tunah hian mi 1500 vel te chungah kut an thlak tawh thu a sawi a, hun vawndik chungchangah pawh hma kan sawn hret hret tih a sawi bawk.
He hunah hian Khual Zahawm, Planning & Programme Inplementation Minister, Lalsawta pawhin mi In luaha baihvai taka Serchhip-a DRO Office hawn a nih hnuah mahni building neia an awm ta chu lawmawm a tih thu a sawi a, Serchhip-ah hmasawnna thar hmuh tur tam tak a awm tih pawnlam a\anga thlir pawha hriat theih a nih thu sawiin, he Office awmna chu hmun fal deuh a nih avangin Office dawrtute pawh \ha taka lo dawngsawng turin Office-a thawk te chu a chah a, Statistic chu kan dinhmun dik tak tarlanna a nih avanga a pawimawh thu a sawi bawk.
Planning Secretary, Dr. C. Vanlalramsanga kaihhruai Serchhip DRO Office building thar hawnna hunah hian Economic & Statistice Department Director, Lalchhuanawma Hrahsel chuan Technical Report pein May 29, 2013-ah Serchhip-ah DRO Office hawn anih thu leh tunah hian DRO hna chelhtu mi 3 an awm tawh thu sawiin, an Office building sakna atan hian Soil & Water Conservation Department chuan ram, |in khat leh a chanve aia zau mah an pek thu a sawi a, an Office building thar chu Mizopa chhiara chhawng thum niin a dung ft. 82 leh a vang ft. 30-a zau a nih thu te, cheng nuai 60 senga sak a nih thu te, a hnuai berah Staff Quarters, Chow-kidar luah tur awmin kawng an chu Office atana hman tur a nih thu leh a chhawng chung ah National Sample Survey (NSS) Room tur bakah Confe-rence Hall te dah a nih thu a sawi a, Architech Interior &  Engineering (AIE) Construction ten he building sak hna hi thawkin an hnathawh pawh a \hat thu a sawi a, Nov. 20, 2015 ah building sak hna hi \anin April 10, 2017 ah an sa zo a, hun bituk chhungin an sa zo hman a ni.
Nimin a Serchhip DRO Office building thar hawnna hunah hian Serchhip District Bawrh-sap, Sangchhin Chinzah chuan lawmthu sawina hun a hmang a, he building thar hawnna hunah hian Serchhip SP, Lalringdika bakah sorkar Department hrang hrang-a hotute leh tlawmngai pawl aiawh te an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man