MLPC Dan tesep tun thla ah duan fel hman beisei

Mizoram-a Zu khap burna dan MLTP Act, 1995 thlakna atana tunhnaia Assembly in dan thar an siam Mizoram Liquor Prohibition and Control Act, 2014 a taka hman theihna tura dan tesep (rules) duan mek chu tun August thla chhunga zawh fel hman beisei a ni.

Sorkar hotute hnen a\anga thudawn danin Mizoram Liquor Prohibition and Control Rules, 2014 hi state dangte tihdante zir kual hnu-ah duan chhoh mek a ni a. Excise and Narcotics Minister chuan felfai taka duang a, tun thlaa peihfel hman turin official te a ngen nia thudawn a ni a. He rules hi sorkarin a pawm hnuah Assembly dawhkana la dah leh tur a ni dawn a. MLPC Act a taka hman hun erawh chu sorkar thu a ni a, sorkarin hriattirna chhuaha a hman \an hun a ruat a\anga hman \an a ni dawn a ni.
    Tarlan tawh \hin angin Mizo-ram a kum 17 chhung zet lo hman tawh MLTP Act, 1995 hian Mizoram tan \hatna aiin chhiatna a thlen nasa zawk nia hriain a thlakna tura dan thar duan MLPC Act, 2014 chu thla hlui July 10 khan Assembly-ah pulutin pawm a ni a, he dan thar hian zu chu khap bur tawh lovin zu in duhte tana zu \ha an in theihna tur ruahmanna a siam chungin zu rui leh zu vanga midang harsatna siamtute na taka hrem theihna a keng tel thung a ni.