MGNREGS hnuaiah ni 3 chauh inhlawhna pekchhuah ala ni.

Ni za inhlawhna MGNREGS sum hmuh tlem vangin State chhungah ni 3 chauh inhlawhna pek chhuah a ni.
Rural Development Department hotute chuan kumin sorkar kum chhungin ni za inhlawhna sum hi Rs. 11,67,00,000 chauh hmuh a la nih avangin District tinah ni 3 daih inhlawhna tur pekchhuah mek a ni tih an sawi a, Planning Commission in kalphung thar a siam avangin tunhnai khan Planning Commission chuan ni 10 inhlawhna tur sum hi State Consolidated Fund kaltlangin State sorkar sum bawmah a luh tir a, kumin May 21 khan cheng vbc 11.67 an pe a, hei hian District tina ni 3 inhlawhna chauh a daih a, hei hi pek chhuah mek niin Aizawl District bikah chuan an sem zai hnua sum chuang awm hmangin ni 6 inhlawhna tur pek chhuah a ni. Thudawn danin ni 100 inhlawhna tur sum hi State Consolidated Fund kaltlanga luh tir a nih tak avangin State tinah Treasury a paltlang tawh a, hei hian inhlawhna tur sum rang zawka kal \hin chu a ti muang niin a lang tih a, tun \umah hian inhlawhna pekchhuah a nih a\angin on line-a dah luh tura ruahhmanna kalpui mek niin hemi atana ruahhmanna hi tih fel thawkhat a ni tawh a ni.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni