Serchhip-ah Zirtirtute tan AEP training neih a ni

Serchhip District chhunga High School leh Higher Secondary School-a zirtirtute tan nimin a\ang khan Adolescence Education Programme Training chu Serchhip CMO Conference hall-ah neih a ni.
Serchhip District chhunga High School leh Higher Secondary School zirtirtute tana Adolescent Education Programme (AEP) Training ah hian Dr. Laldawngliana Sailo,CMO leh Pu Zolawma, DEO ten training-a tel te lawmna thu sawiin Zaihmingthanga, Consultant (Mainstreaming) MSACS chuan AEP chungchang hi a sawifiah a, hemi hnu hian S. Lalengzami, Lecturer, Govt. Serchhip College, Dr. Albert Lalhminghlua, Nodal oficer, OST Serchhip leh Dr. Lalhlunpuii, i/c School Health Serchhip ten he huna tel te hi zirtirna an pe chhunzawm a, he training neih tur hi Batch hnih neih tur niin nimin a training a tel te hian Vawiin ah an chhunzawm leh dawn a, 2nd Batch tan a hranin training hi neih leh a ni dawn bawk a ni. AEP hi sorkar laipui, Ministry of Human Resourse & Development leh National AlDS Control Organization (NACO) ten kum 2005 khan \ang-kawpa duangin nikum a\ang khan Mizoram-ah MSACS leh School Education Department ten thawhdunna an siam a, tunkar, ni 20-25 January, 2014 chhung hian Serchhip District bakah Champhai, Lawngtlai, Lunglei, Aizawl leh Mamit District-ah te High School leh Higher Secondary School, 252 atangin Principal/Headmaster leh Zirtirtu 2 te tan training runpui a kalpui mek a ni.

Popular News

Mizoram-ah Faina Hapta hman \an leh a ni

Retailer bukna diklo 3 man