NGO ten Feb. 2014 chhunga Tuikuk raltlan laklet an duh.

Nimin a tlawmngai pawl hrang hrang-Central YMA, MUP, MHIP leh MZP te Aizawl-a MZP Office a \hukhawm chuan Tuikuk anmahni duhthu ngei a Mizoram chhuahsan tu Tripura Transit camp a chhuanlam hrang hrang insiamchawp a la chambang te chu February 2014 ral hma ngei a lak let hna kalpui turin sorkar thuneitute an ngen thu leh hemi ral hma a Mizoram a lo let duh lo te chu Mizoram Electoral Roll a\anga paih an nih theih nan a \ul ang apiang a hma akna kalpui nise a ti.
All NGO’s Joint Meeting hi Pu Lalhmachhuana MZP President in a kaihruaia a, hetah hian West Phaileng-Zomuantlang inkar hmun remchang ah Police Check Gate siam a nih theih nan sorkarah ngenna thlen leh a \ul anga hmalakna te, Mizoram-a cheng Gorkhali ten Other Backward Classes(OBC) status neih tum a hma an lakna chu a hlawhtlin loh nan a \ul anga hmalak te, Aizawl Municipal Council (AMC) hnuaia License diltu ten lehkha pawimawh thiltel ngai a siamah Residential Certificate tih chu ‘Residential Certificate of Mizoram,’ tia thlaka, EPIC tih chu EPIC of Mizoram tih nise a tih bakah Tribal Certificate of Mizoram pawh thil tel ni bawk se an ti a. AMC in license diltute thil tel atana “Trade license granted by erstwhile Mizo district council for non indeginous person’ tih clause awm chu paih nise \ha an tih thu an sawi bawk.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn