Chikha-a Police Out-Post siam tur bawhzui zel

Mizoram khawthlang lama ni 23.11.2013 a NLFT leh BDFM inti ten mi 3 an rukbona hmun Chikha a Mizoram sorkar-in Police Outpost siam a ruahman chungchang bawhzuiin helai hmun hi Home Minister, Pu R. Lalzirliana leh Parliamentary Secretary, Lt. Col.(Rtd) Z.S. Zuala te chuan Inrinni khan a tlawh.
He hunah hian Home Minister leh Parliamentary Secretary te hian Police Outpost siamna tur hmunhma te enfiahin chak taka bawhzui anih theih nan hma lak dan tur an rel. Chikha hi Dampa Tiger Reserve chhunga awm anih avangin Environment & Forest Department hnuaia Wildlife hotute nen sawiho nise an ti bawk. He inrukbona thleng avang hian Chikha ah hian ni 29 November, 2013 a\ang khan 5th IR Bn Platoon 1 dah lailawk an ni tawh a, an awmna hmun ah hian Police Outpost nghet dah tura ruahman a ni.
    Damparengpui-ah khawtlang hruaitu leh mipui ten Minister hi an lo hmuak a, inkhawmna tawite neihpuiin NLFT leh BDFM inti ten mi 3 an rukbo avanga pawisawilo Bru mipui ten harsatna leh chhiatna an tawrh theihna laka veng tura theihtawpa hma a lakna ah lawmthu an lo hrilh a ni. Minister chuan Mizoram-in harsa taka remna leh muanna a neih tichhe zawnga chetna zawng zawng chu Sorkar-in a dodal tlat thu leh Police ten an dim dawn loh thu a sawi a, Bru mipuite chu thlamuang taka awma, misualte chetna do tlata Mizoram Police te chu \ha taka lo thawhpui zel turin a chah bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai