Serchhip-ah India Republic Day hmangin District Bawrhsap in Hnam puanzar a pawtpharh.

India Republic Day vawi 66-na chu nimin Jan. 26, 2015 khan Serchhip-ah pawh urhsun takin Leisekawt Field-ah hman a ni a. District Bawrhsap, Juhi Mukherjee, IAS chuan India Hnam Puanzar a pawrpharh a ni.
Serchhip-a India Republic Day puala inkhawm ah hian Bawrhsap chuan Hnam Puanzar pawtparha parade Chibai buk chhangletin mipuite hnenah Mizo \awng in thuchah a sawi a. Bawrhsap chuan India ram Danpui (Constitution) chu mipuiten anmahni tana an siam anih avangin India ram ropuina chu khua leh tui te kutah a innghat a ni, tiin he danpui avang chauh hian rorelna dik, zalenna, intluktlanna leh inunauna kan neih phah tih a sawi a. Kum kalta a Serchhip District-a sorkar hmalakna hrang hrang tarlangin, Dan leh Hrai kenkawh leh mipui himna ngaihtuah kawngah tlawmngai pawl hrang hrang ten sorkar thuneitute an \awiawm \hat avangin Serchhip District chu Mizorama District ralmuang ber a chhal hial ngam nia a hriat thu sawiin, lawmawm a tih thu a sawi a. NLUP dawngtute thawhrimna leh an hlawhtlinna a mit ngeia a hmuh \hin avanga lawmawm a tih thu sawiin, UN Team pawh Serchhip ah zinin marketing \ha a awmtheih na tura hma an lakpuina pawhin awmzia a nei chhoh zel a beisei thu a sawi bawk.
    Bawrhsap chuan PMGSY hnuaia kawng siam mek-Chhingchhip-Hmun\ha; Khawbel-Hmun\ha; E.Lungdar-Sailulak; Chhingchhip-Hualtu; Chhingchhip-Thentlang; Lungpho-Thinglian; Chhawrtui-Vanchengpui; Rullam-Lungpho leh Lungpho-Hmunzawl te pawh a hun taka zo thei tura theihtawp chhuah anih mek thu sawiin, Faina kawnga beihpuithlakna ‘Swachh Bharat Abhiyan’ pawh a hlawhtling chho zeal a hriat thu leh chhungkaw tin tan inthiarna In mumal tak neih \heuh a pawimawh zia a sawi a. Kawlri-a Eklavya School sak zawh anih tawh thu leh kumthar Academic Session a\anga Class \an theih anih tur thu sawiin, Chhingchhip a Sainik School tur sak hna pawh chak taka kalpui mek anih thu a sawilang bawk.
    Hei bakah hian Bawrhsap chuan Nursing School, khum 50 len theihna tur Serchhip a sak mek anih thu leh Thenzawl a AYUSH damdawi in sak mek anih thu pawh sawiin, Dawngzawl a Serchhip District Park pawh mipuite tan hawn fel anih tawh thu a sawi a. Serchhip Boxing Hall pawh New Serchhipah sak zawh \ep anih thu te, SAGY Scheme hnuaia Lok Sabha leh Rajya Sabha MP ten Model Village atana Serchhip District ami Khawlailung leh Chhiah-tlang an thlan thu te, Mizoram State Livelihood Mission kalpui mek anih dan te sawiin, hmasawnna atan Biometric Enrolment tih a pawimawhzia te uar takin a sawi bawk. Bawrhsap hian naupang huaisen Saidingpuia Sailo (9) s/o Lalbiakzuala, Ngentiang chuan a \hianpa tuitla a chhan na ah a nunna a chan thu sawiin, Naupang Huaisen chawi-mawina ‘National Bravery Award’ dawng tura a recommend thu a sawi a. Amaherawh chu sorkar laipuia thuneitu sang zawk ten Award dawng tura an thlan zinga a tel velo chu pawi a tih thu sawiin, he naupang huaisen hi chawimawi a phu em avang leh hriatreng anih theih nan chawimawina hlan phalsak tura Mizoram sorkar a dil dawn thu a sawi bawk.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn