Serchhip-ah Fire Prevention Week hawng. Kumin ah khauh lehzualin Dan lekkawh tum a ni.

/
Mizoram sorkar in ruahmanna a siam angin nimin Jan. 19, 2015 khan Serchhip-ah kangmei laka fimkhur a \ul zia inzirtirna Hapta, Fire Prevention Week chu Serchhip-ah pawh a hawnna neih a ni.
Serchhip-a Fire Prevention Week hawnna inkhawm Serchhip Bazar-a neih hi Mizoram State Women Commission-a Chairperson, Vanlalawmpuii Chawngthu, MLA chuan khual-lian nia hmanpuiin ram a chhiat lohna tura dai theu chu Minister leh MLA te tihtur chauh ni lovin mitin in kan tihtur a nih thu a sawi a. Ram kang avanga kan thing leh mau leh nungchate nasa taka a chereu theih thu sawiin, kangmei in a tichhiat ramngaw ten ngai an awh leh theih na tur leh ramngaw kan neih leh theihna tura hun rei tak a \ul \hin thu a sawi a. Ram kang avang hian kan lo neih tur te, leilet siamna tur te a chhiat bakah tuihna a tichhia in boruak, sik leh sa a tihchhiat bakah nungcha tam tak a suat avangin ‘|am hmahruai’ a nih thu a sawi a. Hei vang hian ram tikangtu chungah sorkar in khauh lehzuala Dan lekkawh a tum thu sawiin, ram tikangtute mai bakah a zep puitu te thlengin Dan hnuaiah an phu tawk a hrem an nih tawh tur thu sawiin, sorkar hmalakna te theihtawpa thlawp turin mipuite chu a ngen nghal bawk.
    Serchhip District Addl. DC, VL. Remliana kaihhruai he hunah hian Lallianzuala, DFO, Thenzawl, District Level Fire Prevention Committee a Member Secretary chuan report pe in kumin a kangmei laka mipuite kan him theihna tura hmalakna tura ruahmanna an siam chi hrang hrangte a tarlang a. Ram tikang lo tura mipuite hriattirna/khapna (Prohibitory Order) chu District Magistrate in tichhuakin, District chhunga ram kang ven kawnga hna thawk \ha khua panga (5) thlangchhuakin lawmman pek an ni dawn bawk a ni. Nimin a Serchhip-a kangmei venna Hapta hawnna inkhawm ah hian YMA Sub-Hqrs. President, RL. Chhuanawma leh MJA (SD) President, Kapliana Pachuau te pawhin thu an sawi bawk a. Serchhip rual hian North Vanlaiphai ah pawh DFO hovin ‘Fire Prevention Week, 2015’ hawnna inkhawm hi neih a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »