National Youth Festival-ah Sports Minister tel. Lawngtlai tan Astro Turf tihfel thuai beisei.

Sports & Youth Service Minister, Zodintluanga chuan India ram hi ram nuamah a siam theih tih sawiin, \halaite chakna chu hman \angkai a nih chuan India hian nasa takin hma a sawn dawn a ni, a ti.
National Youth Festival vawi 19-na Guwahati-a tun thla ni 8 a\anga Vawiin thleng awh tur a hmanpuina ah he thu hi sawiin Mizoram Sports Minister, Zodintluanga chuan he huna tel India rama thalaite chu inpumkhatna leh inunauna thlentu an ni thei tih a sawi a. India ram mipui 1.21 billion zinga 65% aia tam mah chu kum 35 hnuai lam an ni tih sawiin, khawvel ram tam takin \halai an tlem avanga harsatna an tawh laiin India ram ah \halai an tam thu leh \halaite chakna hmanga thil tam tak tih theih a nih thu a sawi bawk. Hei bakah hian Minister chuan \halai kalkhawmte chu hnam hrang hrang nunphung leh tihphung inzirtawn a, hriatthiamna nei turin a chah a. Hnam hrang hrang tih dante kan inhriattawn chuan inhriamthiam lohna awm theite kan pumpelh thei tih sawiin, harsatna awm thei lakah pawh kan fihlim theih thu a sawi bawk. Youth Festival-ah hian India ram state hrang hrang a\angin \halai 3000 vel an tel a, Mizoram a\angin NSS Member leh Programme Officer te an tel bawk a ni.
    National Youth Festival a a tel hnu hian Sports Minister hi Union Minister for Youth Affairs & Sports, Sar-bananda Sonowal chuan a thlenna-a leng tura sawmin Mizoram mamawh hrang hrang a thlen nghal a. Lawngtlai a CYLA Ground-a Astro Turf phahna tur project, Ministry hmasaa Mizoram sorkarin a lo thehluh tawh chu document kimchang Ministry lama thehlut leh turin Union Minister hian hrilhin, a hma thei ang bera tihfel a nih tur thu Union Minister hian Zodintluanga hi a hrilh bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man