Model Village-a a hnathawk turte tan Serchhip-ah training neih \an a ni.

Mizoram-a MP ten Model Village atana Serchhip District a khaw pahnih an thlan, Khawlailung leh Chhiahtlang khua a hma la tura ruat bikte tan a training ni 5 awh tur chu nimin khan Serchhip-ah neih \an a ni.

    He training hi Serchhip District Bawrhsap Juhi Mukherjee, IAS chuan nimin khan Serchhip DC’s Conference Hall-ah hawngin India rama hmasawnna dik leh ngialnghet a awmtheihna tur chuan chung lam a\anga thuneitu ten engkim an ti \hin hi a dik famkim lo tih sawiin, mipuite a hnuai lam a\anga an tel ve a pawimawh tih a sawi a. Hemi atan hian India sorkar chuan Danpui siam\hat vawi 73-na leh 74-na ah Panchayati Raj Institution dinin, mipui zawng zawng telna Gram Sabha din in an hnen thleng pha hmasawnna hna thawh kawnga ngaihdan leh duhdan te an neih theih nan a ruahman tih a sawi a. Mahse Gram Sabha ringawtin engkim a tithei lo tih pawh sawiin Bawrhsap chuan, mithiam zawk leh fing zawkte nen an thawhho a ngaih avangin inpawhtlang tak leh rilru thianghlim tak pu chunga an thawhho thiam a pawimawh a ni, a ti a. Heng khaw pahnih te enkawl dan tur Village Development Plan (VDP) hi May ni 11, 2015 ral hma a peihfel vek a \ul thu sawiin, VDP an buatsaih kawngah pawh mipuite ngaipawimawh a an thu leh hla ngaihthlak sak turin trainees te a chah a, mipuiten an hriatthiam loh leh an buaina te pawh dawhthei taka hrilhfiah zel a lungawi tlang taka hnathawh anih theih nan theihtawp chhuah turin a fuih bawk.
    He training hawnna hun hi Teresy Vanlalhruaii, MCS, Project Director, DRDA Serchhip, SAGY Charge Officer ni bawk chuan kaihruaiin SAGY pawimawhzia hre turin trainees te a chah a, Mizorama a hmasa ber atan Serchhip District ami ve ve Model Village atan thlan ani chu lawmawm tak anih rualin chona lian tak a ni tih pawh sawiin, theihtawp chhuah a hna an thawh phawt chuan khaw pahnihte hi ‘Model Village’ khaw entawntlak ah an chhuah thei ngei dawn a ni tih sawiin, an thil zirah ngaihtuahna pe a rilru sawr bing turin a chah bawk. He training hi  State Institute of Rural Development (SIRD) buatsaih niin Jan. 26-31, 2015 chhung a awh anga, District Level Committee on SAGY memberte leh SAGY hnuaia din Sub-Committee hrang hrang member te an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man