Mizoram pumah vote nei thei mi 713,574 an awm.

Election Commission of India remtihna in Electoral Roll Special Summary Revision ni 01.01.2015 a kumtling chinte tana buatsaih chu zawhfel a nih hnuah nimin khan Mizoram pumah Electoral Roll chu tlangzarh a ni ta a, Mizoram pumah vote nei thei 7,13,574 an awm a ni.
Mizoram-a Electoral Roll Special Summary Revision neih dawna Draft Roll tarchhuah ah khan Mizoram pumah vote nei thei 6,98,266 awmin tuna Electoral Roll thar ah hian vote nei thei mipa 349,792 leh hmeichhia 363,782, an vaiin 713,574 an awm a, vote nei thei punna hi mipa 7063 leh hmeichhia 8245, a vaiin 15,308 niin za zela chhutin 2.19% a ni. Mizoram-ah hian Assembly Constituency 40 awmin heng zingah hian Vote nei thei tam berna chu 36-Tuichawng niin he bial ah hian vote nei thei 27,314 an awm a. Vote nei thei tlemna ber chu 34-Thorang niin he bial ah hian vote nei thei 12,723 an awm bawk a ni.
    He Electoral Roll thar ah hian za zela chhuta vote nei thei pun tamna ber chu 33-Lunglei South niin vote nei thei punna hi voters 522 niin hei hi za zela chhutin 3.4% a ni a. Vote nei thei pun tlemna ber chu 21-Lengteng niin vote nei thei hi 109 in an pung a, hei hi za zela chhutin 0.67% a ni bawk. District hrang hrang 8 zingah Saiha District chu vote nei thei punna sang ber niin vote nei thei hi 977 in an pung a, hei hi za zela chhutin 2.85% a ni a. Vote nei thei pun tlemna ber District chu Champhai District niin he District ah hian vote nei thei hi 1217 in pung mah se za zela 1.55% chauh in a pung thung a ni. Mizoram-a Assembly bial 40 zingah hian vote nei thei zingah hmeichhia tam zawka bial 29 a awm laiin mipa tam zawkna chu bial 11 chauh a awm a, vote nei mipa 1000 zelah hmeichhia 1040 awm ang a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai