Khawchhung inkalpawhna kawng hawng

Serchhip-II Village Council in MGNREGS sum cheng nuai 9 senga Serchhip Darnam kawrh (Rora chhutna kawrh) a\anga Darnam tlang panna kawng an siam chu Serchhip DRDA Project Director, Pu FJ. Liantluanga chuan nimin July 10, 2014 zing khan a hawng.
He kawng, meter 330-a thui hi Darnam tlang-a NH. 54 helna atana short-cut niin tunhma lamin ke kawng pangngai a ni a, MGNREGS mipui inhlawhna sum a\angin Motor kal theihna tura laih zauh a nih bakah Blacktop nghal a ni a, hei bakah hian Darnam Kawrh-ah hian RCC hmangin Lei \ha tak dawh a ni bawk a, he kawng siamna atan hian MGNREGS Wages Component a\angin cheng nuai 5 leh Material Component a\angin cheng nuai 4 sen a ni. He kawng hawnna, Pu T. Zadingliana, VCP, Serchhip-II kaihhruai a neih ah Pu FJ. Liantluanga chuan hetianga khawchhung inkalpawhna \ha tak khawtlang hruaitu ten an buatsaih theih chu lawmawm a tih thu sawiin, he kawng hi kawnghlun, hnum \ha leh tlo a nih theihna tura theihtawp chhuaha enkawl turin a sawm nghal bawk. Jt. Chief Electoral Officer hna zawm mai tur Pu FJ. Liantluanga chuan Serchhip District-ah hna a thawh chhunga VC leh mipuite thlawpna \ha tak a hmu chu lawmawm a tih thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai