Mobile Phone hmangtu zingah Airtel hmang an tam ber.

Mizoram a Mobile Phone Service Provider hrang hrang zingah Airtel hmangtu an tam ber a, Airtel hmangtu hi mi 376,666 awmin, Mizoram pumah Mobile Connection nei mi 930,024 kan awm mek bawk.
Tunhnaia tlangzarh tak Statistical Abstract of Mizoram a tarlan a nih danin, Mizoram pumah Airtel hmang an tam ber lai hian Idea hmangtu erawh 18,818 chauh an awm a, BSNL hmangtu 195,076 awmin, Aircel hmangtu 170,994, Reliance hmang 96,300 leh Vodafone hmangtu 72,169 an awm bawk. Mizoram District hrang hrang zingah Aizawl District chu Mobile hmangtu tamna ber niin, Mobile Phone hmangtu mi 478,134 zet an awm a, Lawngtlai District ah Mobile Phone hmangtu mi 23,542 awmin, Mizoram District 8 zinga Mobile Phone connection nei tlemna ber a ni. Mobile Phone connection nei hi Mamit District-ah mi 57,393 awmin, Kolasib District-ah 68,782 an awm a, Champhai District-ah 69,220 awm bawkin, Serchhip District-ah 59,758, Lunglei District-ah 136,099 leh Saiha District ah Mobile Phone connection nei hi mi 35,096 an awm nia tarlan a ni bawk. Mizorama Mobile company (Service Provider) rawn lut hmasa ber BSNL hian an rawn luh hlim, kum 2003-2004 khan Mizoram pumah subscriber 2,450 chauh an nei a, kum 10 hnu 2012-2013 ah chuan subscriber an neih zat hi 195,076 zet a tling tawh a ni.
    Mizorama PCO hman uar a nih lai kum 2007-2008 ah khan Mizoram pumah PCO 1,394 zet a awm laiin, tun dinhmun ah chuan 278 chauh a awm tawh a, Landline Telephone connection pawh kum 2003 a\anga 2010 thleng khan Mizoram pumah connection nei mi 50,000 an pelh chhoh vek laiin, tun dinhmunah chuan Landline connection nei hi mi 25,016 chauh an awm tawh bawk.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni