Mizoram-a RGGVY hmalakna tur DRP thehluh tlai a nih avangin a muan phah.

Ramchhunga thingtlang khua zawng zawng Eng pekna tura ruahmanna, RGGVY hnuaiah Mizoram sorkar chuan ruahmanna kimchang (Detailed ProjectReport) a thehluh tlai avangin hnathawh a muan phah.
Tunhnaia tlangzarh tak Comptroller & Auditors General of India Report-a tarlan a nih danin Rajiv Gandhi Grameen Vidyatikaran Yojana (RGGVY) Scheme hi Mizoram-ah kum 2008 a\ang khan kalpui \an niin March, 2010-ah zawhfel hman tura ruahman ni mah se December, 2012 thlengin hun pawhsei a nih hnuah March 2014 thlenga hun pawhsei sak leh a ni a. Hetianga huntiam pawhsei sak a nih chhan hi DPR thehluh tlai vang, sum hmuh tlai vang leh Re-Survey tih khawmuan vang a ni tih CAG Report chuan a tarlang a ni. RGGVY hnuaiah hian Mizoram-a thingtlang khua zaa 60.70 chu electric Eng pek a ni tawhin kumin March thla thleng khan khaw 440 pek a ni tawh a, BPL chhungkua zaa 55.23 te tuam ni tawhin hei hian a tira ruahmanna siam a phaklo hle tih CAG Report chuan a tarlang bawk.Kum 2001 chhiarpui leh Electrified Village teh dan thar ang chuan Mizoram-a khua 707 zinga 570 chu Electric nei tawh niin khaw 137 te chu Electric la thlenlohna khua an ni thung a, heng Electric la thlenlohna khua a electric thlen tir tur hian P&E Department chuan DPR siamin hmalak a ni a, he ruahmanna hnuaia sum hi Ministry of Power in Capital Subsidy zaa 90 tumin a bak zaa 10 chu REC Ltd. hnen a\angin Loan-a hnawhkhah tura ruahman a ni.

Popular News