Chanchinthar thenkhat :

Tourist Lodge zofel tep

@@ Serchhip-a Tourist Lodge building hlui siam\hat mek chu tunah hian zaa 80 (80%) zawh a nih tawh thu sorkar thuchhuah chuan tarlangin, tunah hian Cottage building No. 1, 2 leh 3 te chu sak zawh a nih tawh thu a tarlang bawk.

Presbyterian in Poster tar
@@ Presbyterian Kohhran in rua-hmanna alo siam tawh angin Inrinni zan leh Pathianni zan vel khan Ser-chhip khawpui chhung hmun hrang hrangah K|P ten zu khapna dan thlahdul tur nia sawi duh loh entirna thuziak an tar a. Heng an thuziak tar ah te hian Bible chang \henkhat lakchhuah te leh Zu khapna dan thlah-dula Zu zawrh phalna pek an duh loh thu bakah Zu vanga Mizoram tihchhiat an phalloh thu te pawh an tarlang bawk a ni.

MHIP Day hmang
@@ Niminpiah July 6, 2014 a MH-IP Day pualin  Serchhip-a MHIP Branch hrang hrangte chuan nimin July 7, 2014 khan hun an hmang hlawm a, Branch \henkhat ten he Ni puala inkhawm an neia intihhlimna te an neih laiin Branch \henkhat chuan MHIP in ‘Faina’ tih kumpuan an neih mek tih hlawhtlinna atan hna-tlang te an nei bawk a ni.

Budget Session \an dawn
@@ Mizoram Legislative Assembly Budget Session, ni thum awh tur chu Vawiin hian neih \an a ni dawn ta a, he Session neih tur atan hian nimin thleng khan Starred Question 71 leh Unstarred Question 57 lut tawhin sorkar Bill 4 a lut tawh bawk a, House chhunga sorkar lehkha pawimawh pharh tur 16 a awm bawk a ni. Vawiin Session \an Ni hian Finance Minister, Pu Lalsawta chuan Mizoram Budget chu Vote-on-Account in a pharh dawn a ni.

Popular News