Animal Feed Plant-ah ran chaw her hnem tawh.

AH&Vety Department chuan Tanhril hmuna Animal Feed Plant an neih a\angin Ar, Vawk leh Bawng chaw Kgs. 108,17,500 an herchhuak tawh a, heng te hi ranvulhtute hnenah man tlawm zawka hralhchhuah \hin a ni.

Tanhril-a Animal Feed Plant hi niminpiah (July 15,2014) tlai khan AH&Vety Minister, Pu C.Ngunlianchunga chuan a tlawh a, hmalak mek te enin thawktu ten an mamawh an lo thlente a ngaithla a, chak zawka hmalak dan tur an sawiho a ni. Animal Feed Plant hi kum 2000 a buaipui \an a niin NLCPR sum cheng vbc. 4.5 hmanga bul\an a ni a, June, 2014 thleng khan Ar chaw kgs. 54,25,500, Vawk chaw kgs. 30,90,000 leh Bawng chaw kgs. 23,02,000 a her tawh a. Ni khat ah ranchaw hi Tonnes 50 a her thei a ni. Vety department chuan Ar chaw hi Kg. ah Rs. 5 leh Vawk/Bawng chaw hi Rs. 3 in Company dang siamchhuah aiin an titlawm zawk a, hei hi mipui rawngbawlna anih vang niin an sawi. AH&Vety department chuan Animal Feed Plant chu ranvulhtu ten chaw \ha, man tlawm leh thar \ha zawk an lei theihnan te; Company dangten rate an control tur dan nan leh hlawk zawka ranvulh anih theihnana din a ni tih an sawi bawk.