House-ah K. Deposit chungchang sawichhuak. K. Deposit-ah cheng vbc. 535 chuang awm mek.

/
Finance Minister Pu Lalsawta chuan tun dinhmuna K Deposit a sum dah chu cheng nuai 53523.96 a tling tih sawiin, sorkar a awm chhung chuan K. Deposit ah hian sum dah a ngai reng dawn niin a sawi bawk.
Assembly Budget session neih mekah nimin a zawhna leh chhanna hun a MNF member, Pu Vanlalzawma zawhna chhanga sawiin, Finance Minister Pu Lalsawta chuan Mizoram-ah kum 1986 a\angin K. Deposit ah hian sum dah \an a ni tih a sawi a, hemi kum hian cheng nuai 1 dah a ni tih a sawi. Finance Minister chuan MNF sorkar term tawp, kum 2008 ah khan K. Depost-ah cheng vbc. 349.96 an hnutchhiah tih sawiin, tun Financial Year tawp 2013-2014 ah khan K. Deposit ah cheng vbc. 1168.32 a awm tih a sawi a. ‘Hemi ti tlem tur hian nasa taka \an lak a ni a, hemi ang hian tuna K. Deposit a sum awm zat chu cheng vbc 535.23 a ni tawh,’ tih a sawi. Finance Minister Lalsawta chuan, K-Deposit a sum dahte hi lakchhuah reng a ni tih sawiin, dahluh reng a ni bawk tih a sawi a, kumthar ah pawh dahluh a ngai anga, sorkar a awm chhung chuan K. Deposit-ah hian sum dah reng a ngai dawn niin a sawi a. K. Deposit a sum dah chu thil \ihbaiawm a nih loh thu leh state dang pawhin cheng vaibelchhe tam tak K. Deposit ah hian an dah ve mek thu Pu Lalsawta chuan a sawi bawk.
    Member te zawhbelhna chhangin Finance Minister chuan sorkarin K. Deposit zir-chiang tura a din Committee chuan an zirchianna report an peihfel tawh tih House hrilhin, tun Assembly Budget Session neih zawh ah an report an thehluh theih tawh a beisei thu a sawi a, K. Deposit a department hrang hrangte sum dah hi sorkar pawisa bawmpui (Consolidated Fund of the State) a\anga chhuak tawh, Financial Year tawp dawn a sorkar account a Cash balance in heng pawisa a pekchhuah nghal hi a tlin loh bakah scheme tam tak chu a hna la thawh hman lohte anih bawk avang te, an hna thawh tur thawh zawh a nih loh bawk avang leh department a sum tam tham kawl tir hi GFR dan kalh a nih bawk si avangin Government Account dang, Public Account hnuaia K-Deposit & Advanced (interest awmlo) Head ah dah lailawk a ni tih House a hrilh bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »