Chief Minister in P&S in bungrua \ha ngei hman a ngai tih sawi.

Chief Minister Pu Lal Thanhawla chuan Printing & Stationary Department chu Department hrang hrangin an dawr theihna turin an bungrua te hman tlak quality \ha ngei a nih a ngai tih a sawi.
Nimin a Assembly zawhna leh chhanna hunah Chief Minsiter chuan Printing & Stationary Department in cheng nuai 360 chuang man hu bungrua hralh theihloh a chhek-khawl nachhan chu Department hrang hrangten an bungrua te lei tlaka an ngaih loh vang a ni tih a sawi a, tun a\ang chuan bungraw \ha leh hmantlak ngei chauh Department te leichhawn turin an la tawh dawn tih sawiin, ‘Chumi hnu pawha Department ten an la dawr duhlo a nih chuan Sorkar in a \ul angin hma a la ang,’ a ti. Printing & Stationary Minister Pu C. Ngunlianchunga chuan Printing & Stationary Department in kum 2013-14 chhungin sorkar Department 62 in Rs. 96,16,694 in an dawr tih a sawi a, tunah hian cheng nuai 360 chuang man stock an neih thu leh hmantlak tawhloh cheng nuai 90 man vel a awm tih a sawi a, Department hrang hrangte mamawh pek zung zungna turin Printing & Stationary Department chuan pik-up truck pakhat tunhnaiah a lei tawh tih a sawi a, cheng vbc. 8 sengin Luangmual-ah Printing Press bun mek a nih thu leh, hei hi zawhfel a nih hun chuan zirlaibu te pawh phai-a thawn ngai lovin Printing & Stationary Department chuan a chhu thei tawh dawn a ni, a ti bawk.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn