Serchhip-a Election buaipuitu Officer ten ERONet chungchang an zirho

Electoral Roll Online hmanga kalpuina Software thar ERONet hman dan tur zirhona chu nimin, April 27, 2017 khan Serchhip District Election Officer, District Bawrhsap ni bawk, Sangchhin Chinzah hovin Serchhip DC Office-ah neih a ni.
He Zirhona hunah hian Serchhip Bawrhsap leh District Election Officer ni bawk, Sangchhin Chinzah chuan, sorkar hnathawkte chu inzir thar zel tur, thil thar rawn piang zel lo man thiam tura inbuatsaih tur an nih thu sawiin, Election kaihhnawih thil phei chu ram inrelbawlna bulpui, hriatchian ngai tak a nih avangin an hriat tur chi thilte chu thiam nal vek an tum tur a ni tih a sawi a, uluk taka engkim an kalpui a \ul thu a sawi bawk.
ERONet hi Election Commission of India in khua leh tuiten awlsam leh rang zawka Electoral Roll an buaipui theihna atana a buatsaih a ni a. Online hmangin hming thun thar te, siam \hat te, hming paih leh thil \ul dangte tih zung zung theihna tura duan a ni. Tin, Offline hmanga dilna hrang hrang lutte pawh he ERONet hmanga umzui (process) zel tawh tur a ni dawn a. Hei vang hian ERONet-ah hian Chief Electoral Officer a\anga Data Entry Operator thlengin tih tur chanvo an nei \heuh a ni. He ERONet hi kumin July thla a\anga Electoral Roll Special Drive neih \an tur a\anga hman \an nghal tur a ni ang. Nimin a training-ah hian Serchhip District chhunga Election Officer (EO), Electoral Registration Officer (ERO), Assistant Electoral Registration Officer (AERO) leh Operator ten ERONet a an hna chanpual \heuhte uluk takin an zir a, Laltlanmawia, Master Trainer chuan zirtirna a pe a ni.
Nimin a training ah hian Zosangzuali Pachuau, Addl. DC (Addl. DEO), R. Vanrengpuia, SDO (Sadar) (ERO); Abraham Beirazi Khithie, Election Officer; Vabeiamozachhi Chozah, ASO (AERO); Lalfakawma Chhakchhuak, DLAO (AERO) leh Lalhlimpuii Ralte, BDO (AERO) te bakah Serchhip DC Office-a Election Branch a thawk mi dangte an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man