Housing For All hnuaia Serchhip khawpui chhunga In sak \anpuina diltute dilna enfiah hna thawh a ni

Sorkar laipui in khawpui-a chenna In neilo ten In an neih vek theihna tura hma a lakna, Housing for All hnuaia Beneficiary-led Construction (BLC) kaltlanga Serchhip-a In sak \anpuina dil te dilna enfiah hna chu nimin khan thawh \an a ni a. Serchhip khawpui chhungah In ak \anpuina dil hi 683 an awm a ni.

Sorkar laipui in kum 2022-ah khawpui-a cheng ten chenna In an neih vek theihna tura hma a lakna kal mek, 'Pradhan Mantri Awas Yojana/Housing For All' hnuaia Beneficiary-led Construction (BLC) hnuaia Serchhip khawpui chhunga In sak \anpuina dil te dilna enfiah hna hi nimin khan Serchhip khawpui chhunga hmun thum ah thawh a ni a. Housing for All hnuaiah hian nikum khan In sak \anpuina dilna thehluh theih hun hi hawn ni tawhin khetah hian dilna thehlut 1500 chuang awmin heng mite a\ang hian In sak \anpuina dawng thei mi 1306 thlanchhuah an lo ni tawh a. Heta tel velo leh In sakna mamawh si te tan hian kumin February thla khan dilna thehluh theih hun hi hawn leh niin heta dilna thehluh te hi Lalpuithanga Hall, Serchhip Chhim Veng; New Serchhip YMA Hall leh Chhiahtlang Community Centre-ah te VC leh Department-a thawk ten an enfiah a ni.
Tun \umah hian In sak \anpuina dawng tur zat hi hriat a ni lova, sorkar thuneitu sang zawk ten In sak \anpuina mamawh zat \anpuina dil tura an tih angin a mamawh te zawnchhuah nan an dinhmun hi enfiah a ni a, Serchhip khaw pumah In sak \anpuina dil hi mi 683 awmin heng mite hi Serchhip-I ah 76, Serchhip-II ah 100, Serchhip-III ah 29, Serchhip-IV ah 14, Ser-chhip-V ah 18, Serchhip-VI ah 17, Serchhip-VII ah 56, Serchhip-VIII 35, New Serchhip South VC-ah 87, New Serchhip North VC-ah 71 leh Chhiahtlang VC huamchhungah chhung-kaw 180 an ni.
Heng \anpuina diltute hi an chhungkaw dinhmun hrang hrang zawhfiah an nih bakah ram an neih dan te, tuna an chenna In dinhmun leh Aadhar Card, Ration Card leh Bank Account an neih dan te enfiah sak an ni.
Beneficiary-led Construction (BLC) hi chenna In neilo, kum khata cheng nuai 3 lalut tlinglo te tan ruahman a ni a, hemi \anpuina dawngtu hian In hmun a neih a ngai a, In hmun chu LSC, House Pass leh VC Pass pawm vek a ni a, he \anpuina dawng tur hian rualbanlo awmna chhung-kua, natna tihdam theihloh (terminal illness) nei awmna chhungkua, hmeithai leh eizawnna mumal neilo chhungkua te duhsak bik an ni ang. Chenna In nei tawh, kum khata cheng nuai 3 la lut lo, In chhia leh awngrawp tawh tan pawh he \anpuina hi hmuh theih a ni a, mi In luah, kum khata cheng nuai 3 la lut lo, mahni hminga ram nei bawk si tan pawh dil theih a ni.
|anpuina sum hi In pakhat sak nan cheng nuai 2 a ni a, cheng nuai 1.5 hi Sorkar laipui a\anga hmuh tur niin Rs. 50,000 erawh bene-ficiary te tum ve tur a ni a, hei hi a pawisa zawng emaw, a hmanrua leh tha sen anga chhut theih a ni thung a. Cheng nuai 1.5 hi installment a pek tur niin installment 5 a sem tur a ni a. He \anpuina dawng thei tur chuan Bank Account leh Aadhar number neih tel a ngai bawk a ni. Tun hma lama Sorkar a\anga In sak \anpuina lo dawng tawh te tan he Scheme hnuaiah hian \anpuina a dawn theih dawn loh a ni.
Housing for All hnuaiah hian Scheme dang, Credit-Linked Subsidy Scheme (CLSS) a awm bawk a, CLSS hnuaia \anpuina dawng theite chu chhungkua chenna In neilo, kum khata cheng nuai 6 lalut tlinglo an ni tur a ni a heng mite hian cheng nuai 6 thleng a pung tlem zawka rulh turin loan an la thei dawn a, cheng nuai 6 aia tam an la anih chuan cheng nuai 6 a pelhna kha Bank loan interest rate pangngai angin an rul thung ang. Hemi atan hian HUDCO chu Nodal Agency a ni ang  a, State sorkar kutah pawisa a awm dawn lova, loan pe chhuaktu tur Bank nen indawr in Bank kutah pawisa hi a awm ang.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai