A \um 6-na atan Zofest hmang leh dawn

MZP buatsaih Zofate inkhawm-pui lian ‘Zofest’ chu a \um-6 na atan tun thla Dec. 3 a\anga ni 5 inkar chhung hian Assam-a Haflong khua-ah neih a ni dawn.
Hemi chungchanga MZP thu-chhuah in a tarlan danin Zofest 2014 ah hian hian Mizoram Chief Minister Pu Lal Thanhawla chu khuallian a ni anga. Bangladesh, Myanmar leh India ram chhung State hrang hrang-Mizo-ram, Manipur, Tripura, Assam, Megha-laya leh Arunachal Pradesh a cheng Zofa chi peng hrang hrang a\angin palai \hahnem tak an fuankhawm dawn a. Haflong-ah hian Pandal lian tak sa in an inbuatsaih mek a ni.
    Zofest 2014 thupui atan hian ‘Insuihkhawm leh zai i rel ang u’ tih hman a ni dawn a, ‘Zofate Insuihkhawmna hmathlir’ tih thupui hmanga Workshop neih a nih dawn bakah zai leh hnam lam chi hrang hrang entir a hun hman tur a ni anga, Professor C. Nunthara leh Pu L. Keivom te’n thupui an sawi ang. Zofate, kan duh reng vang nilova \hendarh kan nih avangin Zofate inkar ah inunauna \ha a awm theih na’n MZP chuan Zofest hi a vawikhatna atan kum 2002 khan Churachandpur-ah a buatsaih \an a. Kum 2004, 2006 leh 2009-ah khan Aizawl-ah hmang in, kum 2012 Zofest chu Darchawi, Tripura-ah hlawhtling tak a hman a lo ni tawh a. Kumin Zofest Haflong, Assam a hman turah hian MZP chuan khawvel hmun hrang hrang a Zofate chu tel \heuh turin thinlung takin a sawm a ni.

Popular News

Mizoram-ah Faina Hapta hman \an leh a ni

Retailer bukna diklo 3 man