April ah VC leh LC inthlan hun puan beisei

Mizoram District 6-a Village Council leh Local Council inthlan hun chu April thla tirah puan hman beisei a ni tih Mizoram State Election Commission thawktute chuan an sawi.
Tuna Village Council leh Local Council dinglai te term hi February 2015 a tawp tur anih laiin March thla chhung atan sorkarin a pawtsei a, hemi hnu hian April 30, 2015 thleng atan sorkar chuan a pawtsei nawn leh a ni. VC leh LC term pawhsei leh anih chhan hi a tirah chuan Electoral Roll peih hman anih loh vang a ni a, Roll hi peih ni tawh mah se naktuk March 17 a\anga Mizoram Assembly Budget session neih anih dawn avang leh sorkar kum tawp buai lai nen a innan dawn vangte in term hi pawhsei leh a ni. VC hi Aizawl District-ah 95, Lunglei-ah 145, Serchhip-ah 49, Champhai-ah 108, Mamit-ah 87 leh Kolasib-ah 52, a vaiin 536 a awm dawn a, seat zat erawh chu siamfel ngai tlem a la awm avangin hriat mai theih a ni hrih lo. Local Council zat 82 ni \hin chu Local Council dang pakhat siam belh anih avangin 83 a awm dawn a ni. Tun \um VC leh LC inthlan a\ang hian hmeichhiate tan seat hauhsak a ni dawn a, an term kum 3 ni \hin pawh kum 5 a ni tawh dawn a ni. VC ah chuan seat 3&4-a seat 1 chu hmeichhe tan hauh a ni anga, seat 5-ah 2 leh seat 9 a 3 te hmeichhe tan hauh a ni dawn a. Local Council ah chuan seat 5 ah seat 1 leh seat 7 ah seat 2 te hmeichhe tan hauh a ni thung ang.

Popular News

Mizoram-ah Faina Hapta hman \an leh a ni

Retailer bukna diklo 3 man