Serchhip District chhunga DBTL hmang tura inziaklutlo te hmanhmawh turin ngen.

Eirawngbawlna Gas hmangtu mipui ten man tlawm zawka eirawngbawlna Gas an hmuh zui zel theihna tur, Direct Benefit Transfer for LPG (DBTL) hmang turin Serchhip District mipuite hmanhmawh turin ngen an ni.
Serchhip District-a Direct Benefit Transfer for LPG (DBTL) Scheme hman tur chang-changah hian District Civil Supplies Officer, Rosangmawia chuan Serchhip District a LPG Consumer te an muang hle tih sawiin, LPG Consumer, MIZOFED Office a Bank Account la thehlut lo te chu hmanhmawh thei se a duh thu a sawi a. DBTL tihna atana Mizoram Rural Bank an pawm rih lo nia sawi chungchangah Rural Bank a Account nei te lo chiai mai lo tura ngenin, reilote ah tihfel thuai a nih tur thu leh North Vanlaiphai a\anga Serchhip District pawn Cherhlun leh Thingsai khaw mi LPG Connection nei te chuan PMJDY hnuaia Hnahthial a an Bank Account Number an ring thei ang tih a sawi bawk. DCSO chuan April 1, 2015 a\ang chuan Non-Subsidise Gas bur hlir Consumer ten an lak a ngai tawh dawn a, heng Gas bur te hi MIZOFED Office-a Bank Account number thehlut tawh te chuan Gas bur 1 Rs. 873.50 a khulin a Subsidised na tur Rs.417 chu Consumer Bank Account ah a lut leh thung dawn a, Consumer in Rs.456/- in Gas bur 1 a khul dawn tho tihna a ni. Direct Benefit Transfer for LPG (DBTL) Scheme anga MIZOFED Office a Bank Account la thehlut ve lo te chuan Gas bur Subsidised na Rs.417/- hi an Bank Account ah a lut ve thei dawn lova, Gas bur 1 Rs.873.50 in an lei zui a ngai dawn tihna a ni.
    Tun dinhmunah Serchhip District ah MIZOFED hian Gas Consumer 12,022 a nei mek a, heng zinga mi 8355 te chu Bank Account chu tihfelsak tawh an ni a, an ni hian Non-Subsidy a lo thleng tur Gas bur te chu Direct Benefit Transfer of LPG an tih hmangin a man tlawmin an lei thei tawh dawn tihna a ni. Consumer ten form an thehluhna ah hian an Bank Passbook, thlalak leh hming leh account number lanna Xerox copy an thil tel tur a ni.

Popular News

Mizoram-ah Faina Hapta hman \an leh a ni

Retailer bukna diklo 3 man