TRI in lehkhabu tichhuak tam

Art & Culture Department hnuaia Tribal Research Institute (TRI) chuan kum 1975 atanga kumin October thla thleng khan lehkhabu 98 an tichhuak tawh a, heng zinga 66 hi lei mai theihin an kawl bawk. TRI lehkhabu tihchhuah te hi Mizo hnam ziarang leh nihphung bakah Sakhaw lam zirbingna lehkhabu te a ni tlangpui a, Kumpinu rorelna hnuaia Mizoram awp thintu ten Mizo chanchin an ziah te pawh telin Mizo zinga mi hmingtha leh mi hmasate chanchin a tel bawk a. Heng lehkhabu te hi TRI Office, Art & Culture Department atangin Pisa kai hun chhungin lei theih a ni bawk.