Income Tax Certificate phut chungchang sawichhuak

Mizoram Rajya Sabha MP K. Vanlalvena chuan Mizo mipuite zinga Income Tax Certificate phutna thuchhuah awm thin chu dan lova Mizo mipuite tihbuaina a nih thu a sawi.

    Parliament Thlasik thutkhawm neih mekah nimin khan Mizoram Rajya Sabha MP K. Vanlalvena chuan thu sawiin, India Constitution hnuaia Income Tax Act section 10(26) in a tarlan angin India ram chhunga Tribal hnam te chu Income Tax awl an nih thu leh hemi a nih avang hian Mizo mipuite chu India Constitution in chhiah a awl thu a sawi a. Hetiang a nih mek lai hian Income Tax Office, Guwahati (Assam) atanga Income Tax Certificate phutna thuchhuah Mizo mipuite zingah hriattirna dawng an awm thin thu a sawi a, Mizote chu Income Tax pe ngai lo kan nih avang leh Tribal kan nih avangin Income Tax awl kan nihna Certificate te, Tribal Certificate te chu Income Tax Official-te hnenah an entir hnuah pawh Income Tax Official te hian an la tihbuai zui fo thute sawi chhuakin, hei hi dan kalh a nih thu leh dan lova Mizo mipuite tihbuaina a nih thu a sawi lang bawk a a ni. Hei bakah hian Rajya Sabha MP chuan Rajya Sabha Chairman chu Principal Chief Commissioner of Income Tax Office, Guwahati, Assam hnenah hriattirna pe tur leh a tul dan ang a action la turin a ngen bawk a ni.