Kawng chhia thawmthat dan tur Contractor sawipui

Serchhip Bawrhsap Paul L. Khuma chuan NHIDCL hnuaia Contractor, Serchhip District chhunga hnathawk te chu kar kalta Zirtawpni khan kokhawmin an hnathawhna china kawng chhia thawmthat dan tur a sawipui.
    Serchhip paltlangtu National Highway-02 laih thar hi a siamtu Contractor te kutah Maintenance leh repair a la awm a. Furpui zawh hnuah kawng chhia, bal leh khuar te engemawzat a awm avangin thawmthat leh cheithat hna thawh mek a ni a. Serchhip Bawrhsap Pisa-a Contractor te nen an inkawmna ah hian Bawrhsap chuan Baktawng leh Serchhip inkar kawngpui chu Krismas hma ngeia a siamthat hna zo hman turin a hrilh a. Serchhip By-pass kawng chhe nasa tak, repair hna an khawih mek pawh January, 2026 ralhma ngeia an zawh hman tur thu Contractor te hian an sawi a ni. Bawrhsap chuan Contractor te chu an inhuam ang ngeia hun bi an ruat chhunga kawng repair zo hman turin a hrilh a. Office lam attngin an hnathawh dan an enzui reng tur thu a sawi bawk.