Dan zawm lo man tam tawh

Serchhip Traffic Police te chuan December 1, 2025 atanga No Tolerance Drive an kalpui atanga chawlhkar khat chhungin Dan zawm lo mi 81 zet man tawhin heng mite pawisa chawi pawh Rs. 2,18,000/- a tling tawh.
    Serchhip SP in mipuite hnena hriattirna a lo siam lawk tawh angin tun thla, Dec. 1, 2025 atang khan Serchhip Traffic Police te hian Serchhip Town chhungah ‘No Tolerance Drive’ hi kalpuiin lirthei tlan vel te uluk leh khauh zawka enfiahin Dan zawm lo te chu sum leh pai chawitir nghal zel an ni a. He hmalakna an kalpui atanga chawlhkar khat chhung, Inrinni thleng khan Dan zawm lo mi 81 man tawhin an sum chawitir chu Rs. 2,18,000/- a tling tawh a, Inrinni khan mi 5 manin an sum chawi chu Rs. 9500/- niin zurui chunga lirthei khalh, sum chawi duh lo chu thubuai siam sak niin Serchhip District Court-ah hruai nghal a ni bawk.