Rel hmangtu an tam theih nan ruahmanna siam

Tunhnaia Indigo thlawhtheihna engemaw zat khaihlak avanga khualzin tam takin harsatna an tawh tihziaawm nan Northeast Frontier Railway (NFR) chuan Sairang leh Guwahati inkara tlan Rel-ah Coach pahnih a dah belh a, tunkar Ningani atangin Special Train pahnih a tlan tir bawk.

NFR chuan tunhnaia khualzin phur thlawhtheihna thlawk tur tam tak khaihlak avanga khualzin tangkhang an pun avangin Dec. ni 6 atang khan Guwahati-Sairang Express-ah Coach pahnih AC leh Sleeper a dah belh a, nimin atangin Sairang - Guwahati Express-ah Coach pahnih, AC leh Sleeper dah belh lehin heng Coach an dah belh te hi dah belh hlen tur ni lovin khualzinte tana a remchan zawkna tura dah lailawk a nih thu an sawi bawk. 

Hei bakah hian AC 3 Tier Coach pahnih, Sleeper Class Coach 10 leh GSLR Coach 2, a vaiin coach 14 awmna Special Train chu tun thla 11 khian Nagaland khawpui pakhat Dimapur atanga Sairang thleng tlan tir a ni dawn a, December ni 12 khian Sairang atanga Guwahati thleng tlan tir a ni bawk ang. NFR thuneitute chuan he an ruahmanna siam hian khualzinte an ngaihpawimawh zia a lantir bakah Thlasik laiin hmarchhak state hrang hrang ah te khualzin an pun chhoh avangin tualchhung mite leh a tlawhtute tan hlawkna a thlen an beisei vang anih thu an sawi a ni.