Synod Inkhawmpui nei tan

Mizoram Presbyterian Kohhran-a Rorelna sang ber, Synod Inkhawmpui chu nimin khan neih tan niin Pathianni thleng khi a awh ang.

    Mizoram Synod Inkhawmpui vawi 102-na hi Dawrpui Pastor Bial in thlengin Zarkawt Biak In-ah neih a ni a, Thlarau lam thupui ah 'Chhuan tur dik' tih hman niin Rev. Dr. H. Vanlalruata, Chanmari chuan Inrinni zan Inkhawm-ah thupui hi a sawi dawn a ni. Mizoram Synod Inkhawmpui-ah hian nimin khan Nomination Committee thuin nizan khan Pathian biak Inkhawm neiin Inlawmna leh Kohhran Chanchin report ngaihthlak a ni a, Vawiin atang hian Synod Rorel tanin General Agenda 43 awmin, SEC leh Boards atanga thu lut eng emawzat a awm bawk a, Synod Rorel hian December 13, 2025 (Inrinni) thleng a awh dawn a, zan lamah Pathian Biak Inkhawm neih thin a ni anga, Pathianni-ah Pastor nemngheh leh Pro. Pastor ruat inkhawm neiin Chawhnu-ah Moderator-in Lalpa Zanriah Sakramen a theh ang a, zan Inkhawmah Moderator Valedictory Sermon ngaihthlak a ni ang. Tun tum Synod Inkhawmpui-ah hian Moderator chu Rev. John Raldosanga a ni anga, Vantlang Pathian biak inkhawm zawng hi Synod Information YouTube leh Hruaina Eng TV-ah te pek a ni ang.