Mizoram-a Bawng vang in ziaawm lam a pan niin sawi

Mizoram-a Bawng lakluhna lian ber, Cham-phai District-a Bawng vang chuan ziaawm lam a pan nia hriat a ni a, Hunpui laiin Bawng mamawh ang hmuh loh a hlauhthawnawm loh niin Bawng zuartute chuan an sawi.

Mizoram-a Bawng talh tur tam ber hi Myanmar atanga lakluh a ni a, tualchhung a Bawng vulhtu tam takin talh bawk thin mah se a tam zawk erawh Myanmar atanga lakluh a ni a. Tunhnaiah Myanmar tualchhung buaina avangin Mizoram-a Bawng lakluh hi a hma aiin a tlem zawk a, hei vang hian Champhai leh a chhehvel ah chuan Sial leh ranpui dangte an talh phah thin a ni.

Mizoram-a Bawng vang hian ziaawm lam pan tawhin a lakna man erawh a sang niin Bawng zuartute chuan an sawi a, tunah hian Kawl Bawng chu Rs. 80,000 atanga Rs. 1,00,000 inkara lain, Tlang Bawng erawh Rs. 50,000 velin an la niin an sawi a. Krismas leh kumthar lawmna atana Bawng sa mamawh tam lai berin mipuite mamawh ang an pek theih an inbeisei thu Bawng zuartute chuan an sawi bawk a ni.