Project Pushpak, Aizawl hnuaia Project 3 hawng

Union Defence Minister Rajnath Singh chuan Pathianni khan Border Roads Organisation (BRO) hnuaia infrastructure Project 125 hawngin heng zingah hian Project Pushpak, Aizawl hnuaia hnathawh pathum a tel a ni.

Heng Project 125 te hi Ladakh-a D-S-DBO Road-ah hawngin India ramri hnaih State leh Union Territory hrang hranga leilung chhengchhe tak tak kara thiamna sang leh remhriatna hmanga siam kawngpui 28, Lei 93 leh Project dang 4 te a tel a, Mizoram-a Project tel te hi Construction of Zawlingling-Mawhre-Sapi (Z-M-S) Road (between km 30.00 to Km 38.150), Tuichanglui Bridge (70 mtr Span Steel Superstructure Bridge) located at Km 126.300 on Lawngtlai-Diltlang-Parva (L-D-P) road leh Gausan Bridge (40 mtr Span Steel Superstructure Bridge) located at Km 130.900 on Lawngtlai-Diltlang-Parva (L-D-P) road te a ni.

Heng kawngpui tharte leh Lei tharte hian kumtluana hmun kilkhawrte pawh theihna a siam dawn a. BRO hotute chuan heng Project-te a hun taka zawh a ni thei hian India hmarchhaka leilung chhengchhe tak leh khaw chhe karah pawh an pawl chu ramri hrula hmunte tihchangtlunna lamah a inpe hle tih a tilang tih an sawi a ni. Heng Project te hawnna hun hi MP (Lok Sabha) Richard Vanlalhmangaiha, MP (Rajya Sabha) K. Vanlalvena leh Chief Engineer, Project Pushpak (GREF) Rajeev Dua-te pawhin an Office atangin video link hmangin an chhim a. Heng project-te hian ram humhimna leh ramri hrula hmun kilkhawr tak takte nena inpawhna tha zawk siam a tum a ni.