Serve Safe Food Training nei

Health & Family Welfare Department-a Food and Drugs Administration (FDA) chuan Nestle India leh National Association of Street Vendors of India (NASVI) te nen tangkawpin nimin khan Aizawl-ah ‘Project Serve Safe Food Training’ an buatsaih a, he hun hi Food Safety Commissioner K. Lalrinzuali chuan hmanpuiin kawng kam-a thil zuarte pawimawhna leh zin mite leh hnamdang laka ram hmel pholangtu an nih dan te a sawi a. Vawi khat ei siam dan dik lovin nghawng a neih thui dan leh fimkhur a ngaih dante tarlangin, training-a tel tura thlan te chu an thil zirchhuah te a taka hmang tangkai chhunzawm nghal turin a fuih bawk.

Nestle India leh NASVI hian kum 2016 khan Street Food Vendor te mumal zawka training pe turin thawhhona an duang a. He training paltlang te chu FSSAI atangin Food Safety Training and Certification Certificate pek an ni a. State tina Food Safety Department te nena tangho in training hi an buatsaih thin a ni a. He Project, Serve Safe Food Training hi State 30-ah buatsaih ni tawhin mi 92,862 train chhuah tawh an ni.