Serchhip District-ah ASF vanga Vawk thi a pung zel

Kumin chhungin Serchhip District-ah African Swine Fever (ASF) vanga Vawk thi leh suat 158 zet a awm tawh.
Serchhip-a AH&Vety Department hotute hnen atanga LENKAWL in thu a dawn danin kumin hian Serchhip District-a Veng leh khua pathum-ah ASF avanga Vawk thi leh hri leng zel tur venna atana Vawk suat a awm tawh a, nimin thleng khan ASF vanga Vawk thi 126 chhinchhiah ni tawhin Vawk 32 suat a ni tawh bawk a, chhung-kaw 38 ten he hri leng avang hian harsatna an tawk tawh a ni.

Hriat theih chinah Serchhip Kawnpui North VC Area chu ASF hluarna ber ni mekin ASF vang hian Vawk 62 a thih tawh bakah Vawk 12 suat a ni tawh a, ASF tuartu chhungkaw 11 an awm tawh a. Serchhip P&E Veng-ah chhungkaw 13 in tuarin Vawk 41 thi tawhin 4 suat a ni tawh bawk a, Serchhip Chanmari Veng-ah Vawk 23 thi tawhin Vawk 16 suat a ni tawh bawk a, chhungkaw 14 in harsatna an tawk tawh a ni.