Dan lova Oil hralh tum man

Lunglei Police te chuan an thudawn bawhzuiin nizan hmasa zanlai khan Lunglei Zotlang-a Jedaz Petrol Pump atanga Dan lova tuialhtheih hralh lai an man a, he thil-a inhnamhnawi nia hriat te chu thubuai siam sak nghal an ni.

Police ten an thudawn bawhzuia Petrol Pump an thlen hian LPK Truck pakhat leh Pik-up Truck pahnih ah Barrel hmangin Petrol leh Diesel hi thun a ni a; Filling Station-a thawk te hian Pump-a Oil hralhna rate lanna meter chu puan in an khuh bakah lehkha khawngin an char a, hei hi Police te chuan an hlihthlak sak a ni.

March ni 28, 2026-a Chief Secretary-in District tin Bawrhsap te hnena LPG leh POL chungchanga thuchhuah a lo siam tawh angin, March ni 20 khan Lunglei District Bawrhsap chuan thupek chhuahin, Lunglei District huamchhung ah phalna nei lo te'n thenawm ram Myanmar leh ram danga hralh tur tuialhthei hralh tur phurhchhuah khapin, dan hmanga hremna lek kawh theih anih thu hriattirna a lo chhuah tawh a ni.