Hnahsin Kut sawihona nei

Champhai-a Hnahsin Kut hman thin kalpui zel dan tur leh Kut lian chho zel dawnsawn dan tur chu niminpiah khan Champhai-ah Tourism Minister Lalnghinglova Hmar hovin sawiho a ni a, Tourism Department, Champhai Nature Conservancy (CNC), Champhai North Joint VC leh Champhai-a NGO hrang hrang aiawhte he hunah hian an tel a. Hmalakna tur an rel zingah Homestay, Hotel leh Restaurant neitute leh Tour Guide te chu June thla hmain Training pek nise an ti a, ‘Community-based Festival’ a nihna bo si lovin sawrkar nen mumal zawka thawhho dan tur ngaihtuah a ni bawk.