MZP-in Federal Council-a ngaihtuah tur an rel

Mizo Zirlai Pawl (MZP) chuan April 10, 2026 khian Federal Council Sitting an nei dawn a, he hunah hian Mizoram zirna atana thil pawimawh hrang hrang ngaihtuah an tum.

    MZP Rorelna sang ber dawttu, MZP Federal Council Sitting-a ngaihtuah tura chhawpchhuah tur ngaihtuah hian Ningani khan MZP General Hqrs. Executive Committee thutkhawm neih a ni a, tun tuma MZP Federal Council neih turah hian thu ngaihtuah tur pasarih (7) chhawpchhuah relin heng zingah hian Zirtirtu indaihlohna rualkhai zawka phuhruk/semrual a nih theih nan nasa zawkin Sawrkarin hma la rawh se tih te; Mizoram State University din turah hian Politics bawlhhlawh a inrawlh loh nan leh zirlaiten kan tawrh loh nan dik leh felfai taka hnalak a nih theih nan MZP in hma la rawh se tih te; Zirna In hrang hrangah Zonun Zemawi inzirtirna kalpui a nih theih nan MZP in hma la rawh se tih te; Mizoram University-in MZU Sports a buatsaih thin ah hian tun aia Budget a tam theih na turin MZP in hma la rawh se tih te; Mizo zirlaiten harsatna an tawh thin avangin CUET (UG/PG) Center tam zawk Mizoram-a a awm theih nan hmalak ni rawh se tih te; Mizoram College 21 ten Principal nghet kan neih theih nan a tul angin Sawrkar-in hma la rawh se tih leh Mizoram-a Inner Line Permit (ILP) hman dan kalphung (System) hi tun aia khauh zawk leh changkang zawka kalpui a nih theih nan MZP-in hma la rawh se tih te a tel a ni.