Serchhip DIPRO chhuak tur MJA ten an thlah

Serchhip-a District Information & Public Relations Officer leh I&PR-a Deputy Director, Lalnunmawii chu I&PR Directorate-a awm tura sawn a nih avangin nimin khan MJA Serchhip District te chuan an thlah.
Serchhip Press Club a DIPRO thlahna hun hi MJA (SD) Vice President Lalremruata Ralte chuan kaihruaiin MJA (SD) President, Kapliana Pachuau chuan thlahna thu a sawi bakah DIPRO chhuak tur Lalnunmawii ten thu an sawi a, MJA (SD) ten DIPRO an thlahna thuziak chu Treasurer Zonunsanga Kawlni chuan a hlan bawk a, MJA Member hrang hrang ten DIPRO kalchhuak tur an uina thu leh thlahna thu an sawi bawk a ni.

Serchhip-a DIPRO hna chelh tur hian R. Vanneihtluanga MIS chu dah niin Vawiin hian DIPRO kalchhuak tur leh DIPRO thar tur te hian mawhphurhna an inhlan nghal dawn a ni.