Mizoram Larsap-in PNB Soldierathon 2026 a vailiam

Punjab National Bank (PNB) dinchamphaphak vawi 132-na puala PNB leh Indian Armed Forces tangdun buatsaih ‘PNB Soldierathon 2026’ a tlante chu niminpiah khan Larsap General (Dr) Vijay Kumar Singh (Retd) chuan New Delhi-a Jawaharlal Nehru Stadium atangin a vailiam.

    A tum hnihna tur PNB Soldierathon 2026-ah hian ‘Run For Soldiers’ tih chu thupui atan thlan niin Operation Sindoor-a tel sipai huaisente chawimawi nan leh 'Fit India Campaign' kaltlanga taksa hriselna ngaih pawimawh a tul zia tarlan nana huaihawt a ni a. Soldierathon hian mipui leh sipai inkarah inlaichinna tha siam a tum bawk a ni. He Marathon-ah hian mi 27,000 chuang an tlan a. Category pathum - 21.1 km Half Marathon, 10 km Run leh 5 km Run-ah te then a ni a, avaiin lawmman cheng nuai 19.5 hu semchhuah a ni. He hunah hian Larsap chuan Larsap General (Dr) Vijay Kumar Singh chuan Punjab National Bank leh Indian Armed Forces te'n taksa hrisel nana insawizawi pawimawh zia zirtir nana Soldierathon an buatsaih chu lawmawm a tih thu a sawi a ni.