Hnam Lam-a intihsiakna nei

Mizo Students’ Union (MSU) kum 25 tlinna, Silver Jubilee lawmna kal zelah nimin khan Aizawl Dawrpui Multipurpose Hall-ah ‘Inter-College Cultural Competition’ neih a ni a, Cheraw, Chheih Lam, Tlangau leh Buhthlei hmangin College hrang hrang te an intihsiak bakah Women & Child Development Department atangin Deputy Director (W) Flora Laltanpuii chuan Awareness a neihpui bawk. Nimin-a he hun hman ah hian MSU President B. Lalkhangaihzuala chuan kan hnam Lam chi hrang hrangte leh kan tawng te hi Mizo-a min siamtu a ni tih sawiin, kan vawn nun reng loh chuan Mizo hnam hi a boral mai dawn tih a sawi bawk.