Mizoram Road Fund Board in an hmalakna thlirletin hmalak zel dan tur an sawiho

Mizoram Road Fund Board (MRFB) chu niminpiah khan Secretariat Conference Hall-ah thukhawmin kum 2025-26 chhunga an hmalakna an thlirlet bakah Road Assets Management System (RAMS) application hmanga awlsam taka kawng dinhmun entheihna tur chungchang pawh thlirho a ni.

Mizoram Road Fund Board (MRFB) thutkhawm hi an Chairman leh PWD Minister Vanlalhlana chuan kaihruaiin Mizoram Road Fund Board Member te bakah a bika sawm MLA pahnih H. Ginzala leh T. Lalhlimpuia te pawh an tel bawk a. he thutkhawm ah hian sawrkar kum kalta (2025-2026) chhunga Mizoram Road Fund Board hnuaia hmalakna leh an hnathawh te thlirlet hmasak niin, PWD ten kawng tha taka an enkawl chu lawmawm an tih thu sawiin, Mizoram Road Fund Board-a CEO chuan chuan an hmalakna te a lem nen entirin a sawifiah bawk a. Mizoram in kum 2025-26 chhunga Road Cess atanga pawisa a hmuh cheng vbc. 43.00 chu Road Maintenance atan a hna bik chiang taka a hmanna lang thei turin ruahmanna a siam tawh anga. Petrol leh Diesel atanga Cess hmuh hi kum 2024-25 khan Rs. 13,25,12,598/- niin kum 2025-26 khan Rs. 45,65,46,042/- hmuh a ni bawk a, a vaiin Rs. 58,90,58,630 hmu tlingin Road Cess hi nikum lamah hmuh aia tam cheng vbc. 15 chu kawng siam nan pekchhuah a ni bawk.

Khawvel Technology sang zelah leh Environmental Issue awm avangin tunhma-a kawng sir-a Alkatra chhuanga kawng siam, OPC (Open Graded Premix Carpet) Seal Coat chu a remlohna a tam tak avangin kawng a lo tlo zawk theihna beiseina nen Mixed Seal Surfacing (MSS) emaw, BC (Bituminous Concrete) hmanga siam turin Central lam duh angin a hman theihna ah chuan hman zel nise tiin MRFB Meeting hian an rel a. Thutkhawm hmasa lama an lo pawm tawh RAMS (Road Assets Management System) application hmanga awlsam taka kawng dinhmun en theihna pawh chhawpchhuah a ni a. Road Maintenance System chu Mizoram sawrkarin a enkawl theih tura ruahmanna pawh siam mek niin Outsourcing lova IT Department mithiam te nen enkawl tura buatsaih mek a ni bawk.