Public Library Day hmang

Nimin May 22, 2025 kha ‘Public Library Day’ niin hmun hrang hrangah he ni pual hian hun hman a ni. Public Library Day pual hian Mizoram-a Veng leh khaw hrang hranga Library dinna hmunah te chuan hun hman niin Library tangkaina leh a pawimawhna te tarlan a ni a, hei bakah hian Library te dinhmun leh lehkhabu an neih dan te pawh tarlangin Serchhip-a YMA Branch thenkhat, Library nei te pawhin he ni pual hian hun an hmang a ni.

Lunglei-ah chuan District Library-ah he ni pual hian a duh apiangte tan a thlawna Library Member-a inziahluh theihna hun hawn a ni a, Member inziaklut thar mi 19 an awm bakah Library tlawhtu mi 29 an awm a, Lunglei Veng hrang hranga YMA Library-ah te pawh hun hman a ni bawk. Hnahthial District-ah pawh Hnah-thial Peniel Branch YMA Library Committee buatsaihin Public Library Day hi hman a ni a, heng hun hmanna ah hian Luibrary pawimawhna te inhrilh thar leh a ni bawk.