Lei dawh turin harsatna a thlenna hmun enfiah

Siaha leh Lawngtlai inkar Tuipui Ferry-a Chhimtuipui (Kolodyne) Lui-a Lei dawh turin harsatna a thlen te chu Mara Autonomous District Council (MADC) CEM, M. Laiko chuan niminpiah tlai khan a enpui.

Tuipui Ferry-a Lei dawh tura sawrkar laipui in ruahmanna a siam ah hian Tuipui Ferry khua In 16 zet chu a tihchhiat dawn avang leh heng mite hian In dang sakna tur hmun/ram an neih loh avanga an harsatna te hi CEM chuan a enpui a, heng In a tihchhiat tur bakah hian kum 1995-a leimin nasa tak an tawh laia an ram tam tak a tihchhiat avangin an khuaa In dang thar turte pawhin In sakna tur ram an nei tawh lo tih sawiin, VC ten ram theh tur an neih tawh loh avangin In hmun 32 tal tun dinhmun ah hian an mamawh thu CEM hnenah hian an lo thlen bawk a ni.

He hunah hian MADC-a CEM chuan an dilna leh harsatna an neih te chu Committee thuneihna sang tak nei dinin chinfel sak ngei an nih tur thu a sawi a. He hunah hian CEM hi MADC-a EM (Forest) leh leh thawktu dang ten an tawiawm a ni.