District pahnih-ah 100 days Campaign hawnna nei

Tuberculosis (TB) natna umbo tura beihpui thlakna pawimawh tak, 100 days Campaign, Nikshay Shivir chu nimin khan Kolasib-ah leh Lawngtlai-ah te a hawnna hun hman a ni.

Sawrkar laipui in TB umbo a tumna kawnga ni 100 chhunga hmalakna tur Nikshay Shivir hawnna hi Kolasib-ah chuan Circuit House-ah neiin Bialtu MLA leh Assembly Deputy Speaker Lalfamkima chuan khuallian niin a hmanpui a, Nikum December thla atang khan ni 100 campaign hi India rama High Priority Districts 347-ah bultan a nih thu leh Mizoram-ah pawh Serchhip, Aizawl, Mamit leh Champhai District-ah te lo kalpui tawh a nih thu tarlan a ni a. Kolasib District-ah pawh thuang hnih a kalpui tur niin Kolasib khawchhung leh pawn-ah kalpui a ni anga, khaw pawn lamah hian Hand held X-Ray hman tum a ni a, Vawiin-ah Phaisen atang bultan a ni ang.

Lawngtlai-ah chuan Chandmary Square-ah he beihpui thlakna hi hawn niin lawngtlai East Bialtu MLA leh Adviser to Chief Minister (H&FW) Dr. Lorrain Lalpekliana Chinzah chuan a hmanpui a, he hunah hian National TB Elimination Programme kalphung leh 100 days TB Campaign thiltum te tarlan a nih bakah kum 2025-a TB umbo tura hmalakna hrang hrang kalpui mekte tarlan a ni bawk.